Епископ Уральский Арсений (Швецов)
" О покаянии перед Богом и священником "
Вопрос.
Написано еже во второе пришествие Христово. книги разгибаются, и
вся грехи наша обличаются, все ли грехи наша в сих книгах
написаны будут, о нихже во Святей Церкви прощение и оставление
получиша?
Ответ.
Сия токмо грехи там написаны будут, о нихже аще кто зде в
настоящем житии не исправил свершенаго покаяния и очищения
кровию Христовою, якоже православным християном очищати своя
прегрешения довлеет, а иже во святей Божией Церкви, в настоящем
житии своем оставление грехов получиша чистым своим покаянием и
слезами, и прочими добродетельми, иже пристоят греховному
исцелению, таже и очищением тела и кровию Христовою, о немже
глаголет богогласный Иоанн... кровь Исуса Христа очистит нас от
всякаго греха (1 Ин., 1, 7). Таковыя убо грехи, не суть написаны
в книгах сих. понеже и Сам Господь ко апостолом рече. аще
оставляете человеком грехи, вставятся им. Писаны же сия суть в
книгах сих. понеже мнози в небрежении житие свое препроводиша...
и не покаяшася отъидоша (Большой Катихизис, гл. 23, л. 104).
Подобно сему пишется и в житии преподобнаго Василия Нового. Егда
душу Феодоры ведоша по мытарствам, тогда она вопроси водящих ю
святых аггелов, глаголющи: о господне мои! всякаго ли греха, иже
аще сотворит человек... истязаема бывает душа его, минующи
зде?.. и реста ей аггели: не всех тако (истязуют), но токмо
подобных тебе, не исповедавшихся... аще бы ты исповедала отцу
духовному безсрамно, и приявши от него заповедь, успела бы
(сию) исправити и получити от него прощение, прешла бы и ты
невозбранно вся злая сия, немогущу ни единому мытарству
истязати тебе ни о единомже гресе: но понеже непостыдно
исповедати отцу духовному не восхоте, сего ради испытуешися зде
в сих. Но и се ти помогает, еже престала от грех своих, еже не
творити их. И аще кто, жив сый (престав от греха), прочее
прилежит к покаянию с усердием, оставляет ему Бог грехи его, и
обретается свободь от всех, приим невидимо прощение. Лукавии же
дуси, иже в мытарстве их написаны грехи имуще, и вскоре писания
своя разгнувше, ничтоже в них обретают, яже написаша: Святый бо
Дух покрывает невидимо. И видев сия беси, яко исповедания ради
загладишася сия вся, скорбят погрешивше... Аще же кто
упразднится на покаяние и престанет от зол, яже творяше: не
исповесть же духовному отцу грехи, яже сотворил прежде,
надеявся, яко довольно ему на спасение есть токмо отступление
от них: то аще постыдится их ради на долго время, несть ему
пользы, аще не исповедал будет, якоже подобает: сицевый добре
испытан будет зде (в мытарствах), якоже видиши (Мытарство 13).
ВОПРОС.
Всякое ли разрешение грехов от иерея исповедующемуся бывает
действительно?
ОТВЕТ.
Всякое иерейское разрешение грехов должно быть действительно,
только если он будет православной веры, имеющий благословение
от епископа приимати исповедь, и разрешает исповедующихся по
правилам святых отец. О том, чтобы исповедающийся и священник
были православной веры, пишется в Малом Катихизисе в таковом
изречении: Первее кающемуся подобает быти христианином
православно верующим: понеже без благая веры ни единоже покаяние
быти может. Второе, разрешити кающагося никтоже может, точию
православный священник: понеже кроме Церкви несть спасения и
разрешения (л. 36).
А о том, что священник только по благословению епископа должен
приимати исповеди, довольно показано в предъидущих ответах.
О том же, что священник обязан согласно правил святых отец
разрешать согрешающих, говорит Симеон Фессалоникийский
следующее: Пусть всякий (духовник) твердо решится ничего не
делать вопреки определениям и правилам отеческим, ибо оне
составлены разными богоносными мужами, и приличны, как
согласныя с духом, и весьма способны врачевать всяку страсть, и
вполне целительны... И так все должны судить по церковным
правилам и не внимать каким-нибудь другим, составленным не по
определениям этих правил, потому что благодать по преемству:
ибо от источника благодати Господа и Спасителя нашего она
перешла на Его апостолов: от апостолов на отцев, а от отцев
наших — на нас. Итак, если мы соблюдаем правила отцев, то и
преемство благодати будет в нас, и приговор наш будет тверд:
иначе, если будешь поступать не по определенному ими, то и
приговор наш будет не тверд (ч. 1, гл. 219, с. 323). Согласно
сему пишется и в Номоканоне от словес Феодора Студита: Власть
предстателем ни в чемже дается к преступлению правила, разве
токмо да прилежат тем, яже узаконена суть, и последуют яже
предъидоша, и да связуют и разрешают не неразмысленно, но якоже
мнится истине и канону, и правилу высочайшаго закона (Киевский
Номоканон, л. 152).
Да и сами беси исповедали боятися точию тех запрещений, которыя
бывают по правилам святых отец, якоже сие показует следующая
повесть: ,, ,
Некий презвитер, пришедый от острова Кипрскаго, поведа нам нечто
сицево, глаголя: яко некая жена на волхвования и чародеяния
упраздняющися, и от некоего иного умолена бывши, еже сотворити
свою хитрость о некоем, за еже привлещи его к того воли. На зло
же упраздняющася она, абие посла два беса к нему, хотяше
действовати. Тииже сквернии беси шедше, паки возвратишася
бездельни. Вопрошаеми же от на зло упраздняемый рещи вину, они
же реша, яко под заповедию таковаго обретше, ниже приближитися
смеюще. Бяше бо он исповеда к предреченному презвитеру, и от
него заповедь запрещения прият, якоже велят божественная
правила. Таже вопрошаше от них жена: во всех ли убо заповедь
имущих сице случается вам? Они же к ней рекоша, ни, но во онех
точию, имже той презвитер дает заповеди, яко от закона Божия
учит и от писаний, и от них заповедует, и сего ради не смеем там
приближитися, но боимся Божиих закон. Елицы же от себе учат, или
заповеди подают, таковых, ниже боимся ни отвергаем отнюд. Сия
же от нечистых бесов жена слышавши, и надеявшися на
презвитерово учительство, скоро притекши, приступи к нему, и
яже о себе вся исповедавши, взыска заповедь. Презвитер же, якоже
се милуя ту, не возложи ей яже по законех достойную заповедь и
праведную. Она же моляшеся, глаголя, не милуй мя отнюд, но по
закону Божию и божественных писаний суди ми. Сих бо исповедаша
боятся бесове. Даст ей заповедь презвитер, и оттоле уцеломудрися
Христовою благодатию. Сия поведа той презвитер, иже о таковых
искус приемый: оттоле убо презвитер надеявся и известив си,
вкупе же множае и убоявся, опаснейше от божественных писаний
учаше же и заповедаше, а не по своей воли (Пролог марта 24 дня).
Святый Иоанн Златоустый в слове о исповедании грехов глаголет:
Аще ли книжник есть кто то мысль ему влагает диавол рекий, сам
себе, ты своя мысли свеси, и еже написание глаголет, якоже отцы
святии суть заповедали, тако сотвориши сам. Не послушай мысли
тоя, и немедли исповедати своя грехи, да прощен будеши в сии век
и в будущий (Пролог сентября 30 дня).
ВОПРОС.
Если извещения о оставлении грехов без исповеди священнику не
получаем, то как же Сам Бог чудесным образом изрек оставление
грехов расслабленному, который прямо к нему исповедался в
церкви, идеже лежало тело Иоанна Златоустаго, о чем пишется в
Прологе генваря 27 дня?
ОТВЕТ.
Много творится чудесных знамений по разным винам на таких
делах, которыя бывают не по общему преданию Церкви, но сего не
возможно принимать за правило для ослаб-
ления, и тем более для ниспровержения всеобдержнаго предания
Святыя Церкви. Ибо Матфей Правильник, в конце 3 главы состава в,
вещает: бываемое чрез правила не приносится во указ или притчу,
и Феодор Вальсамон в толковании 18 правила Сардикийскаго собора
глаголет: есть законное правило, в котором говорится: что не по
правилам, то в пример не приводится.
Но что же касается до указаннаго вами разслабленнаго, то еще
нельзя сказать того, чтобы он, получив от Бога извещение о
прощении грехов своих, не возвещал бы их потом и отцу
духовному. Ибо мы знаем, что и Корнилий сотник, еще не
крещенный язычник, получивший дар Духа Святаго, даруемый только
крещаемым, чрез сие не отказался потом креститися (Деян., гл.
10). Так и сей разслабленный не мог бы получить Божию милость,
если бы он был противен закону Божию: а если он не был оному
противен, то как же он мог, находясь в церкви, не иметь себе
отца духовнаго, котораго иметь Святая Церковь обязует всякаго
христианина, как завещавает она о сем сыну церковному в таковом
наставлении: священника везде и всегда почитай, наипаче же отца
духовнаго, аще же несть ти отца духовнаго, изыщи себе и призови
его, и не буди без него. Пишетбося в христианском законе: иже
аще кто в м!ре живе, а отца духовнаго себе не имеет, той несть
христианин. И паки: горе человеку, живущему в М1ре, иже умрет,
а отца духовнаго себе не имеет, лучше бы было ему не родиться
(Сын церковный, гл. 61).
Святый пророк к Богу глаголет: Аще беззакония наша назриши
Господи, кто постоит? (Пс. 129, 3). А потому и молится ему,
глаголя: отврати лице Твое от грех моих и вся беззакония моя
очисти (Пс. 50, 11), и блажит того, емуже не вменит Господь
греха (Пс. 31, 1).
<<
назад на "КНИГИ"